Hin íslenska frásagnarakademía (HÍFA) // The Icelandic Academy of Storytelling

Námskeiðið gengur vel en rétt er að taka fram að ekki þarf að fara á heilt námskeið hér því ég tek sögur í sálgreiningu og hjálpa þeim að verða heilbrigðum og standa á eigin fótum. Ekki vera hrædd að koma á sófann.

SKRIFAÐU SÖGU, HANDRIT EÐA LEIKRIT

Marteinn Þórsson, leikstjóri og handritshöfundur, stendur fyrir 5 mánaða frásagnarnámskeiði/”workshop” sem byrjar 1. nóvember, 2011 og stendur til 1.apríl 2012. Marteinn hefur unnið í Kanada, Bandaríkjunum og á Íslandi og á að baki handritin Diary of an Assassin, One Point 0, Rokland, White Lies,  Fljótin, When Falcons Fly, Bankster og fleiri. Hann hefur einnig verið á lista Variety tímaritsins í Bandaríkjunum yfir 10 mest upprennandi kvikmyndaleikstjórana 2004 ásamt því að vera eini Íslendingurinn sem hefur verið með mynd í aðalkeppni á Sundance kvikmyndahátíðinni. Marteinn hefur einnig kennt handritsgerð við Kvikmyndaskóla Íslands.

Námskeiðið/”workshoppið” fer fram í ráðgjafarformi, þ.e.a.s. hver og einn þátttakandi vinnur með Marteini að sinni sögu (hvort sem það er skáldsaga, kvikmyndahandrit eða leikrit) klukkutíma í senn og í lok námskeiðs á að vera tilbúið fyrsta uppkast að þeirri sögu sem unnið er að. Fundir eru að meðaltali tvisvar í mánuði og fara fram annaðhvort á Skype eða í kennslustofu. Einu sinni í mánuði hittast svo allir sem taka þátt í námskeiðinu/”workshoppinu” og taka þátt í umræðum og pælingum um sögur og karaktera með þekktum höfundum, t.d. Hallgrími Helgasyni, Guðmundi Óskarssyni, Guðrúnu Evu Mínervudóttur, Hugleiki Dagssyni, Kristínu Eiríksdóttur, Steinari Braga og fleirum.

Námskeiðið/”workshoppið” er bæði fyrir byrjendur og þá sem eru lengra komnir og vilja vinna að handiriti/frásögn í samvinnu við frásögulækni (“script doctor”).

Kennsluefnið á námskeiðinu byggist á fræðum Christopher Vogler, en hann hefur skrifað bókina Ferð höfundarins (The Writer’s Journey), sem þátttakendur ættu að fjárfesta í.

Einnig er gott að lesa The Art and Craft of Storytelling, eftir Nancy Lamb, The Dramatic Writer’s Companion: Tools to Develop Characters, Cause Scenes, and Build Stories eftir Will Dunne og Three Uses of the Knife eftir David Mamet.

Að auki er gott að fjárfesta í bók Önnu Th. Rögnvaldsdóttur, Ritun kvikmyndahandrita.

Kostnaður námskeiðsins er 150.000 krónur og hægt er að semja um greiðslufyrirkomulag.

UMSAGNIR UM MARTEIN

“Matti átti auðvelt með að kenna mér allt sem ég kann um smíði kvikmyndarhandrits – á fyrsta degi beitti hann hamri til að berja úr mér áunnar bullhugmyndur um listgreinina. Leikstjórinn stundar einstaklingsmiðaða uppfræðslu.” – Guðmundur Óskarsson, rithöfundur (Hola í lífi fyrrverandi golfara, Bankster)

“Marteinn tortured me.” – Udo Kier, leikari (Breaking the Waves, Blade, Shadow of the Vampire)

“Ég hef unnið með mörgum handritshöfundum. Marteinn er þeirra jákvæðastur varðandi endurskrif og breytingar. Hann gerir að sjálfsögðu sjaldan það sem hann er beðinn um en skrifar í staðinn eitthvað betra.” – Snorri Þórisson, framleiðandi (Agnes, Húsið, Hamarinn, Blóðbönd, Rokland)

“Matti fer alltaf innri leiðina. Hún er dýpri og hún er lengri en hún er eina leiðin.” – Hallgrímur Helgason, rithöfundur (Rokland, 101 Reykjavík)

“Rokland er eitt besta kvikmyndahandrit sem ég hef lesið. Ég myndi vinna með Matta hvar og hvenær sem er.” – Ólafur Darri Ólafsson, leikari (Brúðguminn, Börn, Rokland)

“Marteinn writes like Harold Pinter, One Point 0 is a Pinter play.” – Lance Henriksen, leikari (Aliens, Near Dark, One Point 0)

Hin íslenska frásagnarakademía tekur brátt til starfa …  Frásagnarakademían er hugsuð sem sögusmiðja þar sem aðallega verður kennt hvernig á að smíða kvikmyndahandrit, en einnig skoðum við sögur í sem víðustum skilningi … Hér verða sögur krufðar … Hér fer höfundurinn í ferðalag …

Frásagnarakademían er fyrirtæki Marteins Þórssonar, leikstjóra, framleiðanda og handritshöfundar.  En hann á að baki kvikmyndahandritin Diary of an Assassin, One Point 0, Rokland, Fljótin, When Falcons Fly og fleiri.